રણવીર સિંહે દીપિકા પાદુકોણ સાથેના તેના લગ્નના તમામ ફોટા સોશિઅલ મીડિયા પરથી ડિલીટ મારતાં ફેન્સને અનેક સવાલો થઈ રહ્યા છે. રણવીર અને દીપિકા હાલ બંને બેબીમૂન પર હોવાની વાત છે. દીપિકાના સોશિયલ મીડિયા એકાઉન્ટ પર આ તમામ તસવીરો જોકે હજુ પણ મોજુદ છે. પરંતુ રણવીરે પોતાના મેરેજના ફોટોસ ડિલીટ કરી દીધા છે.
મંગળવારે તેમના ચાહકો એ નોટિસ કર્યું હતું કે રણવીરના સોશિયલ મીડિયા એકાઉન્ટમાંથી અચાનક જ ૨૦૨૩ પહેલાંની તમામ તસવીરો ગાયબ થઈ ગઈ છે. તેમાં તેણે અને દીપિકાએ સાથે શેર કરેલા વેડિંગ પિક્ચર્સનો પણ સમાવેશ થતો હતો.
જોકે, રણવીર અને દીપિકાના તાજેતરના કેટલાક ફોટા હજુ જેમના તેમ છે. એ જ રીતે દીપિકાની ટાઈમલાઈન પર પણ વેડિંગ પિકચર્સ સહિતના તમામ ફોટાઓ હોવાથી ચાહકોએ હાશકારો અનુભવ્યો હતો.
રણવીર અને દીપિકા વચ્ચે તણાવના સમાચારો અગાઉ બહુ ચર્ચાયા આવ્યા હતા. જોકે, બાદમાં બંનેએ જાહેરમાં સાથે દેખા દઈને તથા સોશિયલ મીડિયા પોસ્ટ પર લાગણીભરી પોસ્ટસ સાથે આ બધી અફવાઓનો છેદ ઉડાવ્યો હતો.
