વિશ્વ ટેલિવિઝન દિવસ દર વર્ષે 21 નવેમ્બરે ઉજવવામાં આવે છે. આ એક એવી શોધ છે જેણે સમગ્ર વિશ્વમાં ક્રાંતિ લાવી. ટીવી દ્વારા તમે દરેક ક્ષેત્ર સાથે જોડાયેલા સમાચારો વિશે જાણી શકો છો. તેમાં મનોરંજન, શિક્ષણ અને રાજકારણ વગેરે જેવા ક્ષેત્રોનો સમાવેશ થાય છે. તે માહિતીનું એક એવું માધ્યમ છે જેણે સમાજમાં મહત્વપૂર્ણ ભૂમિકા ભજવી છે. આ ઈલેક્ટ્રોનિક માધ્યમના કારણે આપણે દુનિયામાં બનતી વસ્તુઓથી વાકેફ રહીએ છીએ. ચાલો જાણીએ કે ટેલિવિઝનનો ઇતિહાસ શું છે અને ભારતમાં તેની શરૂઆત કેવી રીતે થઈ.
વિશ્વ ટેલિવિઝન દિવસનો ઇતિહાસ :
નવેમ્બર 1996 માં, સંયુક્ત રાષ્ટ્રએ પ્રથમ વિશ્વ ટેલિવિઝન ફોરમનું આયોજન કર્યું. જેમાં અનેક અગ્રણી મીડિયા હસ્તીઓએ પણ ભાગ લીધો હતો. અહીં ટેલિવિઝનના વધતા મહત્વની ચર્ચા કરવામાં આવી હતી. આ દરમિયાન સંયુક્ત રાષ્ટ્રએ 21 નવેમ્બરે વિશ્વ ટેલિવિઝન દિવસ મનાવવાની જાહેરાત કરી હતી.
ટેલિવિઝનનો ઇતિહાસ :
ટેલિવિઝનની શોધ સ્કોટિશ એન્જિનિયર જ્હોન લોગી બેર્ડ દ્વારા કરવામાં આવી હતી. તેની શોધ વર્ષ 1924 માં થઈ હતી. આ પછી, વર્ષ 1927 માં, ફર્ન્સવર્થ દ્વારા પ્રથમ કાર્યરત ટેલિવિઝનનું નિર્માણ કરવામાં આવ્યું હતું. તે 01 સપ્ટેમ્બર 1928 ના રોજ પ્રેસ સમક્ષ રજૂ કરવામાં આવ્યું હતું. કલર ટેલિવિઝનની શોધ જ્હોન લોગી બેયર્ડ દ્વારા વર્ષ 1928માં કરવામાં આવી હતી. સાર્વજનિક પ્રસારણની શરૂઆત વર્ષ 1940માં થઈ હતી.
ભારતમાં ટીવીનો ઇતિહાસ :
ટીવીની શોધના લગભગ 3 દાયકા પછી ભારતમાં ટીવી આવ્યું. ટેલિવિઝનની શરૂઆત વર્ષ 1959માં 15 સપ્ટેમ્બરે નવી દિલ્હીમાં યુનેસ્કોની મદદથી કરવામાં આવી હતી. ઓલ ઈન્ડિયા રેડિયો હેઠળ ટીવીની શરૂઆત થઈ હતી. ટીવીનું પ્રથમ ઓડિટોરિયમ આકાશવાણી ભવનમાં બનાવવામાં આવ્યું હતું. જેનું ઉદ્ઘાટન રાષ્ટ્રપતિ ડૉ.રાજેન્દ્ર પ્રસાદે કર્યું હતું. ભારતમાં ટેલિવિઝનનું પ્રથમ રંગીન પ્રસારણ 15 ઓગસ્ટ 1982ના રોજ ઈન્દિરા ગાંધીના ભાષણ સાથે થયું હતું. આ પછી નેવુંના દાયકામાં રામાયણ અને મહાભારત જેવી સિરિયલો શરૂ થઈ.