વર્લ્ડ ટેસ્ટ ચેમ્પિયનશિપમાં ઓસ્ટ્રેલિયાના હાથે શરમજનક હાર બાદ ભારતીય ટીમ સતત ટીકાઓનો સામનો કરી રહી છે. વર્લ્ડ ટેસ્ટ ચેમ્પિયનશિપ ફાઇનલમાં ઓસ્ટ્રેલિયા સામેની હાર બાદ વેસ્ટ ઈન્ડિઝના દિગ્ગજ ફાસ્ટ બોલર સર એન્ડી રોબર્ટ્સે ભારતીય પુરૂષ ક્રિકેટ ટીમની ટીકા કરી છે. એન્ડી રોબર્ટ્સનું માનવું છે કે ભારત તેમના પ્રદર્શનમાં વ્યવહારીક રીતે વધુ પડતું ગૌરવ અને વધુ પડતો આત્મવિશ્વાસ દર્શાવે છે. આઈપીએલ vs ઈન્ટરનેશનલ ક્રિકેટના મુદ્દા પર તેણે કહ્યું કે આ ચર્ચા હજુ ખતમ થવાની નથી. તેમનું માનવું છે કે ભારતે તેની પ્રાથમિકતાઓને ધ્યાનમાં રાખીને તેમના પર કામ કરવું પડશે. રોબર્ટ્સે વધુમાં કહ્યું કે ભારતે વિશ્વના બાકીના ખેલાડીઓને ઓછો અંદાજ આપ્યો છે. ભારતે નક્કી કરવાનું છે કે તેમનું ધ્યાન શું છે, ટેસ્ટ ક્રિકેટ કે મર્યાદિત ઓવરનું ક્રિકેટ.
WTC ફાઈનલમાં ટીમ ઈન્ડિયા 296 રનમાં ઓલઆઉટ થઈ ગઈ હતી
ભારતીય ક્રિકેટ ટીમને તાજેતરમાં ઓસ્ટ્રેલિયા ક્રિકેટ ટીમ સામે હારનો સામનો કરવો પડ્યો હતો. આ મેચમાં ટીમ ઈન્ડિયાની બેટિંગ સંપૂર્ણપણે ફ્લોપ રહી હતી. ઓસ્ટ્રેલિયાએ પ્રથમ બેટિંગ કરતા 469 રનનો સ્કોર બનાવ્યો હતો જેના જવાબમાં ભારતીય ટીમ માત્ર 296 રન બનાવીને ઢગલા થઈ ગઈ હતી.
2013માં ચેમ્પિયન્સ ટ્રોફી બાદથી ICC ટુર્નામેન્ટમાં ભારતનું નિરાશાજનક પ્રદર્શન ચાલુ છે. ભારતે બે વર્લ્ડ કપ ફાઈનલ સહિત કુલ મળીને આઈસીસી ટુર્નામેન્ટ જીતવાની આઠ મોટી તક ગુમાવી છે. ભારત પાસે ઘણા સારા ખેલાડીઓ છે, પરંતુ તેઓ ઘરની બહાર સારું પ્રદર્શન કરી શક્યા નથી. જ્યારે ઓસ્ટ્રેલિયાએ પ્રથમ દાવમાં 469 રન બનાવ્યા હતા, પરંતુ જ્યારે ભારત દબાણમાં આવ્યું ત્યારે તેણે 296 રનથી જવાબ આપ્યો હતો.