વિશ્વની સૌથી મોટી અર્થવ્યવસ્થાઓની યાદીમાં ચીનનું નામ બીજા નંબરે આવે છે. યુનાઈટેડ સ્ટેટ્સ ઑફ અમેરિકા પછી ચીનનું અર્થતંત્ર વિશ્વમાં સૌથી મોટું છે. પરંતુ છેલ્લા કેટલાક સમય વિશ્વની બીજી સૌથી મોટી અર્થવ્યવસ્થા માટે સારા રહ્યા નથી. તાજેતરના ભૂતકાળમાં ચીનની અર્થવ્યવસ્થાને ફટકો પડ્યો છે. અર્થવ્યવસ્થા પર પડેલા આ ફટકાથી દેશમાં રોજગાર પર પણ અસર પડી છે. જેના કારણે દેશમાં બેરોજગારી વધી છે. અને યુવા બેરોજગારીની વાત કરીએ તો ચીનમાં આ બાબતમાં ઘણો વધારો થયો છે.
દેશમાં 20.8% યુવાનો પાસે નોકરી નથી
ચીન દ્વારા આજે જાહેર કરાયેલા એક રિપોર્ટમાં એક ચોંકાવનારી માહિતી સામે આવી છે. આ રિપોર્ટ અનુસાર દેશમાં બેરોજગારી ઘણી વધી ગઈ છે અને યુવાનોને સૌથી વધુ ફટકો પડ્યો છે. આ રિપોર્ટ અનુસાર ચીનમાં છેલ્લા મહિનામાં બેરોજગાર યુવાનોની સંખ્યા વધીને 20.8% થઈ ગઈ છે. આ એક રેકોર્ડ છે. એટલે કે ચીનમાં 20.8% યુવાનો પાસે નોકરી નથી.
એપ્રિલ પછી યુવા બેરોજગારી ફરી વધી
રિપોર્ટ અનુસાર, એપ્રિલમાં ચીનમાં યુવા બેરોજગારીનો આંકડો 20.4% હતો અને આ પણ એક રેકોર્ડ હતો. મે મહિનામાં આ આંકડો 20.4% થી વધીને 20.8% થયો છે.
ચીનમાં યુવા બેરોજગારીમાં વધારો થવાનું કારણ શું છે?
ચીનમાં યુવા બેરોજગારી વધી રહી છે તેના કેટલાક કારણો છે. ગયા વર્ષે ડિસેમ્બરમાં કોરોના મહામારીની લહેરની ચીનની અર્થવ્યવસ્થા પર ખરાબ અસર પડી હતી અને ઘણી નોકરીઓ પણ તેનાથી પ્રભાવિત થઈ હતી. જેના કારણે ચીનમાં કરોડો યુવાનોએ નોકરી ગુમાવી દીધી હતી. ત્યારથી, ચીન કોરોનાના ફટકામાંથી બહાર આવ્યું છે, પરંતુ હજી પણ ઘણી નોકરીઓ પર તેની અસર છે, જેના કારણે ચીનમાં બેરોજગાર યુવાનોની સંખ્યા વધી રહી છે. જેમાં 16-24 વર્ષના યુવકોનો પણ સમાવેશ થાય છે.ચીનમાં સ્થાનિક માંગમાં નબળાઈએ નોકરીઓ પર પણ અસર કરી છે. જેના કારણે ચીનના ઘણા યુવાનોએ પોતાની નોકરી ગુમાવવી પડી હતી.