ટીમ ઈન્ડિયાનો સ્ટાર બેટ્સમેન સૂર્યકુમાર યાદવ પોતાની શાનદાર બેટિંગના કારણે આ દિવસોમાં દબદબો બનાવી રહ્યો છે. આ દરમિયાન, ઓસ્ટ્રેલિયન ઓલરાઉન્ડર ગ્લેન મેક્સવેલે ન્યુઝીલેન્ડ સામેની બીજી T20 માં તેની શાનદાર સદી પર પ્રતિક્રિયા આપતા મોટી વાત કરી.
ગ્લેન મેક્સવેલે સૂર્યકુમાર યાદવના વખાણ કર્યા અને કહ્યું કે જ્યારે તે ઈનિંગની હાઈલાઈટ્સ જોઈ રહ્યો હતો ત્યારે મને શરમ આવતી હતી. ધ ગ્રેડ ક્રિકેટર પોડકાસ્ટ પર બોલતા, મેક્સવેલ એ કહ્યું કે “જ્યારે તેણે મેચના રિપ્લે જોયા, ત્યારે તે શરમ અનુભવતો હતો કારણ કે યાદવ આ ક્ષણે વિશ્વના બાકીના બેટ્સમેન કરતાં અલગ દેખાતો હતો.”
દરમિયાન, ઓસ્ટ્રેલિયાની T20 લીગ BBL અંગે ગ્લેન મેક્સવેલને એક રમુજી પ્રશ્ન પૂછવામાં આવ્યો હતો. જ્યારે પૂછવામાં આવ્યું કે શું સૂર્યકુમાર યાદવ ભવિષ્યમાં બિગ બેશ લીગનો કોન્ટ્રાક્ટ મેળવી શકે છે, તો મેક્સવેલે કહ્યું કે ક્રિકેટ ઓસ્ટ્રેલિયા (CA) પાસે તેને ખરીદવા માટે એટલા પૈસા નથી.
ગ્લેન મેક્સવેલે કહ્યું, “મને ખબર નહોતી કે મેચ ચાલી રહી છે, જ્યારે મેં પાછળથી સ્કોરકાર્ડ તપાસ્યું, ત્યારે મેં એરોન ફિન્ચને તેની તસવીર મોકલી અને પૂછ્યું કે શું ચાલી રહ્યું છે?” એવું લાગી રહ્યું હતું કે સૂર્યકુમાર યાદવ કોઈ અન્ય ગ્રહ પર બેટિંગ કરી રહ્યો છે. દરેકના સ્કોર જુઓ અને જુઓ કે આ ખેલાડીએ 50 બોલમાં 111 રન બનાવ્યા છે. આ સમયે તેની આસપાસ પણ કોઈ બેટ્સમેન પહોંચી શકે તેમ નથી.
મેક્સવેલ હસ્યો અને આગળ કહ્યું કે અમારી પાસે એટલા પૈસા નથી કે અમે બિગ બેશ લીગમાં સૂર્યકુમાર યાદવને ખરીદી શકીએ. કોઈ તક નથી. આ માટે અમારે દરેક ખેલાડીની હકાલપટ્ટી કરવી પડશે. તમને જણાવી દઈએ કે સૂર્યકુમાર યાદવે તાજેતરની T20 શ્રેણીમાં ન્યૂઝીલેન્ડ સામેની બીજી મેચમાં 52 બોલમાં 111 રનની ધમાકેદાર ઇનિંગ રમી હતી.
