જો બધું સમય અનુસાર થાય છે તો લોકસભાની ચૂંટણી પહેલા સુરતીઓ મેટ્રો રેલમાં મુસાફરી શરૂ કરશે. શહેરમાં ચાલી રહેલા મેટ્રો રેલ પ્રોજેક્ટનું કામ તેજ ગતિએ ચાલી રહ્યું છે. સરથાણાથી ડ્રીમ સિટી કોરિડોરમાંથી એક ડિસેમ્બર 2023 સુધીમાં પૂર્ણ થવાની ધારણા છે અને 2024થી આ રૂટ પર મેટ્રો રેલ ચલાવવાની યોજના છે. મેટ્રો પ્રોજેક્ટ એન્જિનિયર યોગેન્દ્ર સિંહ ચૌહાણે જણાવ્યું કે મેટ્રો રેલના બે કોરિડોર પર કામ ચાલી રહ્યું છે. શહેરમાં અંડરગ્રાઉન્ડ મેટ્રો પણ દોડશે. આ માટે કાપોદ્રા વિસ્તારમાં બે ટનલ બનાવવામાં આવી રહી છે. જેમાંથી એક ટનલનું કામ પૂર્ણ થઈ ગયું છે અને બીજી ટનલનું કામ શરૂ કરવામાં આવ્યું છે. ટનલ બનાવવા માટે જીએમઆરસી દ્વારા ટનલ બોરિંગ મશીનની મદદ લેવામાં આવી રહી છે. બંને કોરિડોરનું કામ વર્ષ 2025 સુધીમાં પૂર્ણ થઈ જશે. જે રીતે કામ ચાલી રહ્યું છે તે જોતા સરથાણાથી ડ્રીમ સિટી કોરિડોર આ વર્ષના અંત સુધીમાં તૈયાર થઈ જવાની ધારણા છે.
- 40.35 કિમીનો રૂટ તૈયાર કરવામાં આવી રહ્યો છે
- સરથાણાથી ડ્રીમ સિટી અને ભેસાણથી સારોલી 2 કોરિડોરનું કામ ચાલુ છે
- ડાયમંડ-ટેક્સટાઈલ કોરિડોર નામ આપવામાં આવશે
GMRCએ માહિતી આપી હતી કે સુરતમાં 40.35 કિમીનો મેટ્રો રેલ રૂટ તૈયાર કરવામાં આવી રહ્યો છે. જેમાં સરથાણાથી ડ્રીમ સિટી અને ભેસાણથી સારોલી સુધી બે કોરિડોર બનાવવામાં આવી રહ્યા છે. સરથાણાથી મેટ્રો રેલ કાપોદ્રા, લાભેશ્વર ચોક, લાંબા હનુમાન રોડ, રેલવે સ્ટેશનથી મજુરા ફાટક થઈને ડ્રીમ સિટી પહોંચશે. આ માર્ગને ડાયમંડ કોરિડોર નામ આપવામાં આવશે. જ્યારે ભેંસાણથી મેટ્રો ઉધના દરવાજા, કમેલા દરવાજા, અંજના ફાર્મ, મોડલ ટાઉન અને મગોબ થઈને સારોલી પહોંચશે. આ રૂટ પર મોટી સંખ્યામાં ટેક્સટાઈલ માર્કેટ હોવાને કારણે તેને ટેક્સટાઈલ કોરિડોર નામ આપવામાં આવશે.
જુઓ વિડીયો :
View this post on Instagram