આપણને ઘણી વાર જાણવા મળ્યું હોઈ છે સમયાંતરે ચર્ચિત લોકો પોતાને ગે હોવાનું સ્વીકારતા આવ્યા છે. આવો જ એક ખુલાસો ન્યૂઝીલેન્ડના પૂર્વ ક્રિકેટરે કર્યો હતો. દિગ્ગજ ખેલાડી હિથ ડેવિસે સ્વીકાર્યું છે કે તે ‘ગે’ છે. આ રીતે તે ન્યૂઝીલેન્ડનો પ્રથમ ગે ઈન્ટરનેશનલ ક્રિકેટર પણ બની ગયો છે.
ડેવિસ હાલમાં ઓસ્ટ્રેલિયામાં રહે છે. તેણે 1994 અને 1997 ની વચ્ચે ન્યૂઝીલેન્ડ માટે પાંચ ટેસ્ટ મેચ અને 11 વન-ડે ઈન્ટરનેશનલ રમી હતી. હીથ ડેવિસની ભલે લાંબી આંતરરાષ્ટ્રીય કારકિર્દી ન હોય, પરંતુ તેણે સ્થાનિક સર્કિટમાં સખત મહેનત કરી છે. ઘરેલું ક્રિકેટ ઘણું રમ્યું છે.
ઓનલાઈન મેગેઝિન ‘ધ સ્પિનઓફ’ને આપેલા ઈન્ટરવ્યુમાં ડેવિસે કહ્યું, ‘મને લાગ્યું કે મારા જીવનનો આ ભાગ છે જે હું છુપાવી રહ્યો છું. આ મારું અંગત જીવન હતું, માત્ર એટલા માટે કે હું તેને અત્યાર સુધી દુનિયાની સામે નથી લાવી રહ્યો, પરંતુ મને લાગ્યું કે આ પાસું પણ દુનિયાની સામે રાખવું જોઈએ. મારે એ વાત છુપાવવી ન જોઈએ કે હું ગે છું.
હીથ ડેવિસે કહ્યું કે જ્યારે તે ઘરેલુ ક્રિકેટ રમવા માટે 1997માં પોતાના વતન વેલિંગ્ટનથી મોટા સ્થળ ઓકલેન્ડમાં ગયો ત્યારે જીવન સુધર્યું. તે ઉમેરે છે, ‘ઓકલેન્ડમાં દરેકને ખબર હતી કે હું ગે છું. ટીમના દરેક જણ આ જાણતા હતા, પરંતુ મને નથી લાગતું કે તે આટલો મોટો મુદ્દો છે.