બોલિવૂડ એક્ટર સોનુ સૂદ તેમની શાનદાર ફિલ્મો ઉપરાંત તેમની ઉદારતા માટે પણ જાણીતા છે. સોનુ સૂદ કોરોના મહામારીના સમયથી લોકોના મદદગાર તરીકે ઉભરી આવ્યો છે. તે અવારનવાર પોતાના ઘરે લોકોને મળે છે અને દરેક શક્ય રીતે મદદ કરે છે. સોનુ તે અભિનેતાઓમાંથી એક છે જેને લોકો રીલ નહીં પણ વાસ્તવિક જીવનનો હીરો માને છે.
આટલું જ નહીં, સોનુ સૂદ પણ સામાન્ય લોકોની જેમ જીવન જીવવાનું પસંદ કરે છે. ખરેખર, સોનુ સૂદનો એક વિડીયો સામે આવ્યો છે જેમાં તે ટ્રેનમાં મુસાફરી કરતો જોવા મળી રહ્યો છે. આ વિડીયોમાં સોનુ ટ્રેનની સીટ છોડીને દરવાજા પર બેઠો જોવા મળે છે. અભિનેતાનો આ વિડીયો ખુબજ વાયરલ થયો છે.
प्रिय, @SonuSood
देश और दुनिया के लाखों लोगों के लिए आप एक आदर्श हैं। ट्रेन के पायदान पर बैठकर यात्रा करना खतरनाक है, इस प्रकार की वीडियो से आपके प्रशंसकों को गलत संदेश जा सकता है।
कृपया ऐसा न करें! सुगम एवं सुरक्षित यात्रा का आनंद उठाएं। https://t.co/lSMGdyJcMO
— Northern Railway (@RailwayNorthern) January 4, 2023
વાસ્તવમાં સોનુ સૂદે તેના ઈન્સ્ટાગ્રામ એકાઉન્ટ પર એક વિડીયો શેર કર્યો છે, જેમાં અભિનેતા ટ્રેનમાં મુસાફરી કરતો જોવા મળી રહ્યો છે. પવનમાં લહેરાતા વાળ સાથે તે પ્રવાસની મજા માણી રહ્યો છે. આ વિડીયોને શેર કરતી વખતે સોનુએ કેપ્શનમાં લખ્યું છે ‘મુસાફિર હું યારોં’ આ વિડીયો પર તેણે કિશોર કુમારનું પ્રખ્યાત ગીત ‘મુસાફિર હૂં’ મૂક્યું છે. સોનુનો આ વિડીયો સોશિયલ મીડિયા પર ખૂબ વાયરલ થઈ રહ્યો છે.
આ વિડીયો સામે આવતા Northern Railway એ કહ્યું કે તમે દેશ અને દુનિયાના કરોડો લોકો માટે રોલ મોડલ છો. ટ્રેનના પગથિયાં પર મુસાફરી કરવી ખતરનાક છે, આ પ્રકારનો વિડીયો તમારા ચાહકોને ખોટો સંદેશ મોકલી શકે છે.