હાલના ચાલતા સમયમાં તમામ ગુજરાતીઓ મન મૂકીને ગરબે ઘૂમી રહ્યા છે ત્યારે કિંજલ દવે ને કોર્ટ તરફ થી મોટો ફટકો પડ્યો છે.
ગુજરાતી ફેમસ સિંગર કિંજલ દવેની મુશ્કેલીમાં થયો વધારો. સેશન્સ કોર્ટે ‘ચાર ચાર બંગડીવાળી’ ગીત ગાવા પર મૂક્યો પ્રતિબંધ. મળતી માહિતી મુજબ ગીતના કોપીરાઈટ મુદ્દે સેશન્સ કોર્ટ દ્વારા કિંજલ દવે સામે હુકમ કરવામાં આવ્યો. કિંજલ દવે હવેથી ‘ચાર ચાર બંગડીવાળી ગાડી લઇ દઉં’ ગીત નહીં ગાઇ શકે અને સાથે સાથે ગીતની સીડી અને કેસેટના રૂપમાં પણ તેને ન વેચવાનો કોર્ટ દ્વારા હુકમ કરવામાં આવ્યો છે.
સાથો સાથ એવી પણ માહિતી સામે આવી છે કે રેડ રિબિન એન્ટરટેઇનમેન્ટ પ્રાઇવેટ લિમિટેડ દ્વારા કરાયેલા કોપીરાઇટ કેસમાં કોર્ટ કોઇ નિર્ણય પર ન પહોંચે ત્યાં સુધી લાઇવ કોન્સર્ટમાં પણ આ ગીત ગાવાનો પ્રતિબંધ મૂકવામાં આવ્યો છે.
તમને જણાવી દઇએ કે, કિંજલ દવેને નોટિસ મોકલવામાં આવી હતી. પરંતુ 23 સપ્ટેમ્બર 2022ના રોજ કેસની સુનાવણીમાં કિંજલ દવે કોર્ટ સમક્ષ હાજર થઈ ન હતી. કોર્ટે નોંધ્યું છે કે, કાર્તિક પટેલે કાઠિયાવાડી કિંગ્સ ચેનલ પર આ ગીત અગાઉ અપલોડ કર્યું હતું. આથી ગીતના કોપીરાઈટ મુદ્દે સેશન્સ કોર્ટે કિંજલ દવે સામે હુકમ જાહેર કરતા ‘ચાર ચાર બંગડીવાળી’ ગીત ગાવા પર તેમજ ગીતની સીડી કે કેસેટના રૂપમાં તેને વેચવા પર તેમજ કોપીરાઇટ કેસમાં કોર્ટ કોઇ નિર્ણય પર ન પહોંચે ત્યાં સુધી લાઇવ કોન્સર્ટમાં પણ આ ગીત ગાવાનો પ્રતિબંધ મૂકવામાં આવ્યો છે.