બાળપણથી માંડીને યુવાનીમાં પોતાના પગ પર ઊભા રહેવામાં બાળકના જીવનમાં માતા મહત્વની ભૂમિકા ભજવે છે. માતાના યોગ્ય ઉછેરને કારણે જ તેનામાં સારા સંસ્કાર આવે છે. કદાચ આ જ કારણ છે કે બાળક માતા વિના તેની દુનિયાની કલ્પના પણ કરી શકતું નથી. આ દિવસોમાં સોશિયલ મીડિયા પર આને દર્શાવતો એક વિડીયો ખુબજ વાયરલ થઇ રહ્યો છે, જેને જોઈને તમારી આંખો પણ છલકાઈ જશે.
આ વિડીયોમાં ભારતીય સેનાના એક અધિકારી રિટાયરમેન્ટ પહેલા તેની માતા માટે કંઈક ખાસ કરી રહ્યા છે. વિડીયોમાં જોઈ શકાય છે કે ભારતીય સેનાના અધિકારીઓ યુનિફોર્મ પહેરીને ઘરની અંદર પ્રવેશ કરે છે. આ પછી તે તેની માતાને સેલ્યુટ કરે છે. આ ક્ષણ માતા માટે ખૂબ જ ભાવુક હતી. જ્યાં એક પુત્ર નિવૃત્તિ પહેલા માતાને સેલ્યુટ કરી રહ્યો છે.
View this post on Instagram
આ વિડીયો મેજર જનરલ રંજન મહાજને શેર કર્યો છે. કેપ્શનમાં લખ્યું છે કે, ‘યુનિફોર્મ મુકતા પહેલા માતાને અંતિમ સલામ. અંબાલાથી દિલ્હી પહોંચ્યા પછી અમે સીધા માતા પાસે આવ્યા. તે મારી માતા માટે સંપૂર્ણ આશ્ચર્ય હતું જેણે મને જન્મ આપ્યો અને મને આ જીવન માટે યોગ્ય બનાવ્યો અને 35 વર્ષ સુધી મારી માતૃભૂમિની ગર્વ સાથે સેવા કરવા સમાન બનાવ્યો. જો તક મળશે તો હું ફરી એકવાર ભારતીય સેનાની સેવા કરવા માટે હંમેશા તૈયાર રહીશ.
વિડીયો ને અત્યાર સુધીમાં લાખો વખત જોવામાં આવ્યો છે જ્યારે હજારો લાઈક્સ મળી ચૂકી છે. આ વાયરલ વિડીયો પર યુઝર્સ સારી પ્રતિક્રિયા આપી રહ્યા છે અને કોમેન્ટ્સનો વરસાદ કરી રહ્યા છે. એક યુઝરે લખ્યું, ‘સર, માતાને આ ખુશી આપીને તમે તેનું જીવન સાર્થક કર્યું. મહાન સાહેબ. આગળનું જીવન સુંદર રહે. અન્ય એક યુઝરે લખ્યું, ‘તમામ માતાઓને તમારા જેવો આજ્ઞાકારી પુત્ર હોવો જોઈએ.’