ગુજરાત વિધાનસભાની ચૂંટણી પહેલા આમ આદમી પાર્ટી રાજ્યના લોકોને રીઝવવામાં કોઈ કસર છોડી રહી નથી.ગુજરાતના સફાઈ કર્મચારી હર્ષ તેના સમગ્ર પરિવાર સાથે દિલ્હી પહોંચી ગયો છે. ગુજરાત પહોંચેલા દિલ્હીના સીએમ અરવિંદ કેજરીવાલે સેનિટેશન વર્કર હર્ષ સોલંકીને પોતાના ઘરે ડિનર માટે આવવાનું આમંત્રણ આપ્યું હતું. આ આમંત્રણનો સ્વીકાર કરીને હર્ષ તેના સમગ્ર પરિવાર સાથે દિલ્હી પહોંચી ગયો છે.
સફાઈ કર્મચારી હર્ષ સોલંકીનો પરિવાર અરવિંદ કેજરીવાલના ઘરે પહોંચતા જ દિલ્હીના મુખ્યમંત્રીએ તેમનું ભવ્ય સ્વાગત કર્યું.કેજરીવાલે હર્ષને ગળે લગાવ્યો. આ સાથે તેમને શાલ અર્પણ કરવામાં આવી હતી. મુખ્યમંત્રી અરવિંદ કેજરીવાલનો લગાવ જોઈને હર્ષ સોલંકી ભાવુક થઈ ગયા હતા. જણાવી દઈએ કે ગુજરાતથી દિલ્હી પહોંચેલા હર્ષ સોલંકીએ મુખ્યમંત્રી કેજરીવાલને બાબાસાહેબની તસ્વીર આપી હતી.
હર્ષે સીએમ કેજરીવાલના ઘરે ભોજન લીધું હતું
આ પછી હર્ષ સોલંકીના પરિવારે અરવિંદ કેજરીવાલના ઘરે બપોરનું ભોજન લીધું હતું.આ પછી તેઓ સીએમ કેજરીવાલ સાથે બહાર આવ્યા હતા. મીડિયા સાથે વાત કરતા દિલ્હીના સીએમ અરવિંદ કેજરીવાલે કહ્યું કે આજે ગુજરાતમાંથી હર્ષ સોલંકી તેમના આમંત્રણ પર તેમના પરિવાર સાથે લંચ કરવાઆવ્યા હતા, તેમણે આખા પરિવાર સાથે લંચ લીધું હતું, તેઓ ખૂબ જ સારું અનુભવી રહ્યા છે.
હર્ષ સોલંકીએ કહ્યું કે આટલા વર્ષોમાં આ પહેલા કોઈ મુખ્યમંત્રીએ આવું કર્યું નથી. પરંતુ અરવિંદ કેજરીવાલે પોતાના ઘરે બોલાવ્યા. તેણે કહ્યું કે પહેલા હર્ષ તેના ઘરે જમવા આવશે, ત્યારબાદ તે હર્ષના ઘરે આવશે. ખુશી વ્યક્ત કરતા હર્ષે કહ્યું કે હું માની શકતો નથી કે તે સીએમ સાથે ઉભો છે. તેમણે દિલ્હીની શાળાના વખાણ કરતા કહ્યું કે અહીંની શાળાઓ ગુજરાત કરતા સારી છે.
હવે સીએમ કેજરીવાલ હર્ષના ઘરે જશે
અરવિંદ કેજરીવાલે કહ્યું કે તેઓ જ્યારે પણ આગામી સમયમાં ગુજરાત જશે ત્યારે હર્ષ સોલંકીના ઘરે ચોક્કસ જશે. તે દરમિયાન હર્ષે સીએમ કેજરીવાલને તેમના ઘરે આવવાનું આમંત્રણ આપ્યું હતું જેના જવાબમાં અરવિંદ કેજરીવાલે હર્ષને કહ્યું હતું કે પહેલા તું મારા ઘરે જમવા આવ, ત્યાર બાદ હું તારા ઘરે આવીશ.
गुजरात से आए हर्ष सोलंकी के परिवार का अपने घर पर आदर सत्कार करने का सौभाग्य प्राप्त हुआ। हम दोनों के परिवारों ने साथ बैठकर खाना खाया। ईश्वर इनके पूरे परिवार को सुख-समृद्धि और ख़ूब तरक़्क़ी दें। pic.twitter.com/DJjTM2OIb2
— Arvind Kejriwal (@ArvindKejriwal) September 26, 2022