ભારતના સૌથી ધનિક વ્યક્તિ અને અદાણી ગ્રુપના વડા ગૌતમ અદાણી વિશ્વના ચોથા સૌથી અમીર વ્યક્તિ બની ગયા છે. અદાણીએ $115.4 બિલિયનની નેટવર્થ સાથે માઇક્રોસોફ્ટના સહ-સ્થાપક અને વિશ્વના સૌથી ધનિક વ્યક્તિ બિલ ગેટ્સને પાછળ છોડી દીધા છે.
તમને જણાવી દઈએ કે ફોર્બ્સે હાલમાં જ વિશ્વના સૌથી અમીર લોકોની યાદી જાહેર કરી છે. આ યાદી અનુસાર, ટેસ્લા અને સ્પેસએક્સના સ્થાપક એલોન મસ્ક આ યાદીમાં ટોચ પર છે. બ્લૂમબર્ગ ઈન્ડેક્સમાં ટેસ્લાના સીઈઓ એલોન મસ્ક અદાણી કરતાં વધુ અમીર છે. મસ્ક $242 બિલિયનની નેટવર્થના માલિક છે. એમેઝોનના સ્થાપક જેફ બેઝોસ $148 બિલિયનની નેટવર્થ સાથે બીજા ક્રમે છે. લૂઈસ વિટનના સીઈઓ બર્નાર્ડ આર્નોલ્ટ વિશ્વના ત્રીજા સૌથી અમીર વ્યક્તિ છે. તેમની કુલ સંપત્તિ $137 બિલિયન છે.
અદાણી એશિયાના સૌથી ધનિક વ્યક્તિ છે. આ વર્ષે તેમની નેટવર્થમાં $36 બિલિયનનો વધારો થયો છે, જે બાકીનામાં સૌથી વધુ છે. આ યાદીમાં અંબાણી 10મા સ્થાને પહોંચી ગયા છે. બિલ ગેટ્સની સંપત્તિ $104.2 બિલિયન છે અને અદાણીની સંપત્તિ તેમના કરતાં $11 બિલિયન વધુ છે.
ભારતના એક ચતુર્થાંશ એર ટ્રાફિકને નિયંત્રિત કરતા અદાણી ગ્રૂપના કેટલાક શેરો છેલ્લા બે વર્ષમાં 600 ટકાથી વધુ વધ્યા છે. અદાણી ગ્રૂપ હવે દેશના સૌથી મોટા એરપોર્ટ ઓપરેટર, પાવર ઉત્પાદક અને નોન-સ્ટેટ સેક્ટર સિટી ગેસ રિટેલરની માલિકી ધરાવે છે. માત્ર ત્રણ વર્ષમાં, અદાણી જૂથે સાત એરપોર્ટ અને ભારતના લગભગ ચોથા ભાગના હવાઈ ટ્રાફિક પર નિયંત્રણ મેળવ્યું છે.