મોબાઈલ કે વાહન ચોરાઈ જાય તો ઘણીવાર લોકોને પોલીસ સ્ટેશનના ચક્કર લગાવવા પડે છે. ક્યારેક આ પ્રક્રિયામાં કલાકો લાગી જાય છે અને લોકોને મુશ્કેલીનો સામનો કરવો પડે છે. ગુજરાતની જનતાને હવે આ તમામ બાબતોમાંથી રાહત મળવાની છે. પણ હવે નાગરિકો વાહન અને મોબાઈલ ચોરીની ઈ-એફઆઈઆર નોંધી શકશે અને તેમને પોલીસ સ્ટેશન જવાની પણ જરૂર નહીં પડે.
ફરિયાદ કરવાં માટે લોકો સીટીઝન પોર્ટલ અથવા તો સીટીઝન ફર્સ્ટ એપ પરથી ફરિયાદ કરવાની રહેશે. તેમજ લોકોને એપ્લિકેશનમાં પહેલા પોલીસ સ્ટેશનનું ડ્રોપ બોક્સ સિલેક્ટ કરવાનું રહેશે અને બાદ ફરિયાદ મળતા ત્યારબાદ સ્થાનિક પોલીસ દ્વારા તપાસ પી.એસ.આઇ. ASI અથવા તો હેડ કોન્સ્ટેબલ માં સોંપવામાં આવશે. ત્યારબાદ 48 કલાકમાં ફરિયાદીનો સંપર્ક પોલીસ દ્વારા કરવામાં આવશે.
આ 9 સ્ટેપ ફોલો કરીને તમે પણ ઇ એફઆઈઆર કરી શકાય છે.
- ફરિયાદીએ સિટિઝન એપ મોબાઈલમાં ડાઉનલોડ કરવી પડશે.
- ફરિયાદીએ સિટિઝન પોર્ટલ પર રજીસ્ટર કરાવી વાહન કે ફોન ચોરી અંગે ફરિયાદ સંદર્ભેની વિગતો ભરી ઓનલાઈન અપલોડ કરવાની રહેશે.
- ઓનલાઈન અરજી કરતી વખતે આપવામાં આવેલ અરજીની પ્રિન્ટઆઉટ પર ફરિયાદીની સહી કર્યા બાદ એ અરજીને સ્કેન કરીને અપલોડ કરવાની રહેશે.
- ફરિયાદીને E-Mail-SMSથી ફરિયાદ અરજી મળ્યાની જાણ થશે.
- બનાવ સ્થળની વિગતમાં ફરિયાદી દ્વારા જે પોલીસ સ્ટેશનનું નામ લખવામાં આવ્યું હોય તે પોલીસ સ્ટેશનમાં e-FIR ફોરવર્ડ થશે.
- જો પોલીસ સ્ટેશનનું નામ ન જણાવ્યું હોય તો જે-તે પોલીસ કમિશ્નર/પોલીસ અધિક્ષકની કચેરીએ e-FIR ફોરવર્ડ થશે અને પોલીસ કમિશ્નર/પોલીસ અધિક્ષકની કચેરી સંબંધિત પોલીસ સ્ટેશન ખાતે તાત્કાલિક e-FIR મોકલી આપશે.
- પોલીસ સ્ટેશનમાં ફરજ બજાવતાં અધિકારી ઈ-ગુજકોપના યુઝર આઈ.ડી.થી. લોગ-ઈન કરીને પોર્ટલ વર્કલીસ્ટમાં તે e-FIR જોઇ શકશે અને કોઇ પણ સંજોગોમાં 24 કલાકની સમયમર્યાદામાં પ્રાથમિક તપાસ અર્થે પોલીસ સ્ટેશનમાં ફરજ બજાવતાં અધિકારી-કર્મચારીને મોકલવાની રહેશે.
- જે તે પોલીસ સ્ટેશન ખાતે ફરજ બજાવતા તપાસ અધિકારીને પ્રાથમિક તપાસ સોંપાશે ત્યારે તપાસ અધિકારી અને સાથો-સાથ ફરિયાદીને તપાસ અધિકારી Assign થવા અંગે E-Mail અથવા SMSથી જાણ કરવામાં આવશે.
- આ એપથી ઓનલાઇન FIR ની કોપી પણ મેળવી શકાય છે.