આજકાલ ફેન્સ ક્રિકેટર્સના પ્રેમ સંબંધો અને લગ્ન વિશે જાણવા માટે ઉત્સુક છે. તેમાંથી ઘણા ક્રિકેટ ખેલાડીઓના લગ્ન અનોખા છે, કારણ કે તેઓએ પોતાના પિતરાઈ બહેનોને પોતાની દુલ્હન બનાવી હતી. આ યાદીમાં મોટા નામ સામેલ છે. આવો એક નજર કરીએ આવા જ કેટલાક ક્રિકેટર્સ પર જેમણે પોતાની કઝીન સાથે લગ્ન કર્યા છે.
1. શાહિદ અને નાદિયા
પાકિસ્તાનના પૂર્વ કેપ્ટન શાહિદ આફ્રિદીએ 20 વર્ષની ઉંમરે પોતાના મામાની પુત્રી નાદિયા સાથે લગ્ન કર્યા હતા.નાદિયા ક્યારેય શાહિદ સાથે મેચ દરમિયાન જોવા મળી ન હતી. શાહિદ આફ્રિદીએ નાદિયા સાથે 22 ઓક્ટોબર 2000માં લગ્ન કર્યા હતા. નાદિયા શાહિદ આફ્રિદીના મામાની દીકરી છે. શાહિદ અને નાદિયા અક્સા, અંશા, આજવા, અસમારા અને અરવા નામની 5 દીકરીઓના માતા-પિતા છે.
2. મુસ્તફિઝુર રહેમાન અને સામિયા પરવીન
બાંગ્લાદેશના ફાસ્ટ બોલર મુસ્તાફિઝુર રહેમાને તેની કઝીન અને સાયકોલોજી સ્ટુડન્ટ સામિયા પરવીન શિમુ સાથે પણ લગ્ન કર્યા હતા. તેઓએ વર્ષ 2019 માં માર્ચ મહિનામાં લગ્ન કર્યા હતા.
3. મોસાદ્દેક હુસૈન અને શર્મીન સમીરા
બાંગ્લાદેશ ક્રિકેટ ટીમના યુવા ક્રિકેટર મોસાદ્દેક હુસૈને પણ વર્ષ 2012માં તેની કઝીન શર્મિન સમીરા સાથે લગ્ન કર્યા હતા. મોસાદ્દેક હુસૈન પોતાના અંગત જીવન માટે પણ ચર્ચામાં રહ્યા હતા. તેના પર દહેજ માટે પત્નીને હેરાન કરવાનો આરોપ હતો. આ કેસના કારણે મોસાદ્દેકને પણ ટીમમાં પોતાનું સ્થાન ગુમાવવું પડ્યું હતું.
4. સઈદ અનવર અને લુબના
1996માં પાકિસ્તાની ક્રિકેટર સઈદ અનવરે તેની કઝીન લુબના સાથે લગ્ન કર્યા હતા. લુબના વ્યવસાયે ડોક્ટર છે. યોગાનુયોગ, આ એ જ વર્ષ હતું જ્યારે સઈદ ટેસ્ટ ક્રિકેટના મેદાનમાં પોતાનું સર્વશ્રેષ્ઠ પ્રદર્શન કરી રહ્યો હતો. અનવર તેના જીવનમાં ખુશીની ક્ષણો માણી રહ્યો હતો કે અચાનક તેની પુત્રીનું 2001 માં અકાળે અવસાન થયું અને તે પછી તે ખરાબ રીતે તૂટી ગયો. આ ખેલાડી પોતાની રમત ચાલુ રાખી શક્યો ન હતો અને 2003ના વર્લ્ડ કપ બાદ નિવૃત્ત થયો હતો.