અબુ ધાબી T10 લીગનું ટાઈટલ જીતનાર ભારતીય ક્રિકેટર સુરેશ રૈના સ્ટ્રીટ ક્રિકેટ રમતા જોવા મળ્યા છે. રૈનાએ તેના ઈન્સ્ટાગ્રામ એકાઉન્ટ પર એક વિડીયો શેર કર્યો છે જેમાં તે ગામમાં ક્રિકેટ રમતા જોઈ શકાય છે. વિડીયો શેર કરતી વખતે રૈનાએ લખ્યું કે આ અહીંથી શરૂ થયું છે અને તે પોતાનું બાળપણ ફરી જીવવાનો પ્રયાસ કરી રહ્યો છે. તેના વિડીયોને સોશિયલ મીડિયા પર ખૂબ પસંદ કરવામાં આવી રહ્યો છે.
રૈનાએ અપલોડ કરેલા વિડીયોમાં જોઈ શકાય છે કે તે ગામના એક મેદાનમાં રબરના બોલથી રમી રહ્યો છે. રૈનાએ બે શોટ રમ્યા અને આ દરમિયાન તે ત્યાં ઉભેલા લોકો સાથે હસતો અને મજાક કરતો પણ જોવા મળી રહ્યો છે.
View this post on Instagram
રૈનાએ તાજેતરમાં ઢાકા ગ્લેડીયેટર્સ માટે અબુ ધાબી T10 લીગ રમી હતી અને તેની ટીમ ટૂર્નામેન્ટની ચેમ્પિયન પણ બની હતી. રૈનાએ 2020માં આંતરરાષ્ટ્રીય ક્રિકેટને અલવિદા કહી દીધું હતું, પરંતુ તે ઈન્ડિયન પ્રીમિયર લીગમાં રમી રહ્યો હતો.
રૈના 2022 IPLમાં કોઈપણ ટીમ સાથે સંકળાયેલો ન હતો અને તે પછી તેણે IPL અને ભારતમાં તમામ સ્થાનિક ક્રિકેટને અલવિદા કહી દીધું. નિવૃત્તિ પછી, રૈના રોડ સેફ્ટી વર્લ્ડ સિરીઝમાં ઇન્ડિયા લિજેન્ડ્સ માટે રમ્યો. આ પછી તે T10 લીગમાં રમ્યો અને હવે તે કેટલીક વધુ લીગમાં રમતા જોવા મળી શકે છે.