ICC ODI વર્લ્ડ કપ આ વર્ષે ભારત દ્વારા યોજવામાં આવશે, જેનું શેડ્યૂલ બહાર પાડવામાં આવ્યું છે. વર્લ્ડ કપ 5 ઓક્ટોબરથી 19 નવેમ્બર દરમિયાન યોજાશે. ક્રિકેટના ઈતિહાસમાં આવું પહેલીવાર થઈ રહ્યું છે, જ્યારે સમગ્ર વિશ્વ કપ ભારતમાં રમાશે. અગાઉ, ભારતે સંયુક્ત રીતે 1987, 1996 અને 2011 ODI ક્રિકેટ વર્લ્ડ કપનું આયોજન કર્યું હતું.
અમદાવાદમાં 5 ઓક્ટોબરે ડિફેન્ડિંગ ચેમ્પિયન ઈંગ્લેન્ડ અને છેલ્લી વખતની રનર અપ ન્યુઝીલેન્ડ વચ્ચેની મેચથી વર્લ્ડ કપની શરૂઆત થશે. તે જ સમયે, ભારતીય ટીમ તેની પ્રથમ મેચ ઓસ્ટ્રેલિયા સામે 8 ઓક્ટોબરે ચેન્નાઈમાં રમશે. વર્લ્ડ કપમાં ભારત અને પાકિસ્તાન વચ્ચે 15 ઓક્ટોબર (રવિવાર)ના રોજ અમદાવાદના નરેન્દ્ર મોદી સ્ટેડિયમમાં મેચ રમાશે. ફાઈનલ 19 નવેમ્બરે અમદાવાદના નરેન્દ્ર મોદી સ્ટેડિયમમાં રમાશે.
The ICC Men’s Cricket World Cup Trophy Tour 2023 was launched on a stratospheric scale 😍
Countdown to cricket’s greatest spectacle has begun 🏆
More ➡️ https://t.co/mKCK0WYxIg
#CWC23 pic.twitter.com/Tphyn9Qvxm
— ICC Cricket World Cup (@cricketworldcup) June 27, 2023
વર્લ્ડ કપ દરમિયાન, 10 ટીમો રાઉન્ડ રોબિન લીગમાં એકબીજા સામે 45 મેચો રમશે. આ પછી સેમી ફાઈનલ અને ફાઈનલ રમાશે. પ્રથમ સેમિફાઇનલ 15 નવેમ્બરે મુંબઈના વાનખેડે સ્ટેડિયમમાં રમાશે અને બીજી સેમિફાઇનલ 16 નવેમ્બરે કોલકાતાના ઈડન ગાર્ડન્સમાં રમાશે. જો ભારત સેમિફાઇનલ માટે ક્વોલિફાય થશે તો તે તેની સેમીફાઇનલ મેચ મુંબઇમાં રમશે.