એક જ દિવસમાં રશિયા યુક્રેનનું યુદ્ધ કેવી રીતે સમાપ્ત કરશે ટ્રમ્પ ?

અમેરિકામાં 5 નવેમ્બરે રાષ્ટ્રપતિની ચૂંટણી યોજાવા જઈ રહી છે. જેના કારણે ડોનાલ્ડ ટ્રમ્પ અને જો બિડેન આમને-સામને થશે. અમેરિકાના ભૂતપૂર્વ રાષ્ટ્રપતિ ડોનાલ્ડ ટ્રમ્પે ઘણી વખત ભારપૂર્વક કહ્યું છે કે જો તેઓ ફરીથી રાષ્ટ્રપતિ બને છે તો તેઓ રશિયા અને યુક્રેન વચ્ચેના યુદ્ધને એક દિવસમાં ઉકેલી શકે છે.

પૂર્વ રાષ્ટ્રપતિએ ઘણી વખત દાવો કર્યો છે કે જો તેઓ રાષ્ટ્રપતિ તરીકે ચૂંટાઈ આવશે તો તેઓ રશિયા અને યુક્રેન વચ્ચે લાંબા સમયથી ચાલી રહેલા યુદ્ધને રોકી દેશે. ગયા અઠવાડિયે, ટ્રમ્પે રાષ્ટ્રપતિ જો બિડેન સાથેની ચર્ચા દરમિયાન એવો પણ દાવો કર્યો હતો કે જો અમારી પાસે એવા રાષ્ટ્રપતિ હોત કે જેને પુતિન માન આપતા હોય, તો તે ક્યારેય યુક્રેન પર હુમલો ન કરે.

રાજદૂતે કહ્યું કે ટ્રમ્પ આવું કરી શકે નહીં

સંયુક્ત રાષ્ટ્રમાં રશિયાના રાજદૂતે ચૂંટણી વચ્ચે રશિયા અને યુક્રેનને લઈને ટ્રમ્પના દાવાને ફગાવી દીધા છે. સંયુક્ત રાષ્ટ્રમાં રશિયાના રાજદૂતે કહ્યું કે ટ્રમ્પ આવું ન કરી શકે. જ્યારે 5 નવેમ્બરે રિપબ્લિકન પાર્ટીના સંભવિત રાષ્ટ્રપતિ પદના ઉમેદવાર ટ્રમ્પના દાવા વિશે પૂછવામાં આવ્યું ત્યારે રશિયાના રાજદૂત વેસિલી નેબેન્ઝિયાએ તાજેતરમાં કહ્યું હતું કે યુક્રેન સંકટ એક દિવસમાં ઉકેલી શકાય નહીં.

Spread the love

Leave a Reply

Your email address will not be published. Required fields are marked *